Guddoomiyaha Xisbiga oo la kulmay Bulshada Rayidka ah

Muqdisho – Guddoomiyaha Xisbiga Kobac, Cabdikariin Axmed Faarax, ayaa maanta kulan la yeeshay qaar ka mid ah xubnaha Bulshada Rayidka ah si ay uga wada hadlaan arrimaha horumarka dalka iyo sidii ay bulshada iyo xisbiguba uga wada shaqayn lahaayeen danta guud.

Kulankan oo ahaa mid si weyn loo soo agaasimay ayaa ka dhacay xarunta dhexe ee xisbiga ee magaalada Muqdisho. Guddoomiyaha ayaa ka dhagaystay bulshada rayidka ah fikradahooda iyo tabashooyinkooda ku aadan arrimaha siyaasadda, dhaqaalaha, iyo bulshada.

Guddoomiyaha ayaa sheegay in Xisbiga Kobac uu si weyn u qiimeynayo doorka bulshada rayidka ah ee horumarka dalka, wuxuuna balan qaaday in uu xisbiga sii wadayo wada shaqaynta joogtada ah ee ay la leeyihiin.

Kulanka ayaa lagu soo gabagabeeyay jawi wanaagsan, iyadoo dhinacyadu ay ku heshiiyeen in la sii wado kulamadan oo kale mustaqbalka dhow.